في ليله جميله ع النيل قلت هاروح اصطادقاعد طول اليل جنبي الشاي
والبرادطلعلي سمكه واحده قلت الحمد لله اهو رزقي ومكتوب قدري وماليش سواه
روحت بيتي مبسوط قلت هنضفها مظبوط
لاقيت جواهاخاتم!قلت ياسعدي ياهانايه خاتم دهب لوحدي ومعايه
حطيته تحت المخده وقلت هاقوم م الفجريه
جري علي بتاع الصاغه بعد مفطر مهلبيه
هبيعه اهوادي لولادي فلوس ويساعدني ف العيشه شويه
نمت...وصحيت علي صوت بيقول
شبيك لبيك عبدك ملك ايديك
عبدك!عبدك ايه داناراجل غلبان
بجري علي عشر عيال انت مش دريان
انت مين قولي انا عقلي سليم ولا عيان
امرني ياسيدي اناالجني المحبوس في خاتم سليمان
خاتم سليمان!يعني انا دلوقتي اقدر اعمل الي علي كيفي
هسكن في قصرومش هقوم الصبح اجري علي رغيفي
مش هاروح الشغل اتخانأ مع سيدومحمدوعفيفي
بس استني كده لالا اناجتلي فكره احسن
طيربينا ع العالم الاسلامي والمسلمين
عايز اشوفهوم ع الحقيقه وهما عايشين
يلا بينا علي غزه
طار بيناوعلي ارضها قومنا نازلين
ايه ده?حاسب الصاروخ ده جي ع الاطفال المجروحين
شوف الستات السبايا ودموعهم وهما متجرجرين
ولا جثث الشهداء الي ملت الشوارع هم اليهود حيوانات وفعلا بني ادمين
ولا حماس الي بتضرب في فتح والفتنه والفرقه بينهم مزروعين
طب بينا علي بلاد الشام يمكن يكونوا مختلفين
ياعين عيني علي شباب لبنان بنات منهم ملهلبين
اقولك بينا ع الخليج العربي يمكن نلاقيهم متغيرين
ايه كل الانوار دي هما علي ذكر الله سهرانين?
بس الحقيقه طلعت مره وطلع منهم ف الغلط غرقانين
فلوس وفراغ و نفس ضعيفه يعملوا ايه غير معصيه لرب العالمين
والعراق خراب,سنه وشيعه متقطعين
ياجني روح بينا علي شرق اسيا هناك الاسلام بالملايين
بس الي لاقيته ان هما ورا ستاره الدين مداريين
استحلوا الرذيله في رزقهم ومنهم عليها عايشين
مسلمين ايه دول الي لو لبسوا كل لبسهم برضو عريانين
والمغرب العربي مش هيختلف كتيروبثقافه اوروبا متشبعين
حتي في مصر الناس خلاص ربطوا المومنين بالارهابيين
لوشاف واحد بدقن وجلابيه يخاف لايكون من المسلحين
طب مااليهودي بدقن وجلابين و اشمعنه بتعملوا كده مع المسلمين
نسيتوا ان دول ممكن يبقي واحد منهم شبه خاتم المرسلين
ايه ده ياسيدي الارض دي ماكنتش كده علي ايامنا
دي البركه كانت فيها والانبياء عليها نزلوا قدمنا
ايه الي حصل ليه كل التغير ده عن زمنا
بص يا جني اسمع مني
وحاول في الكلام تقاسمني
هقولك علي السبب الي مألمني
احنا عددنافوق المليارومن كام مليون متهددين
احنا فعلا زي ماقال النبي الوهن في قلوبنا واحنا مش حاسين
سالني هو يعني ايه وهن?قولتلوا يعني حب الدنيا نجري عليها واحنا طماعين
ونتمني لونعمر فيها الف سنه ومنها مش متزحزحين
اصل هما اخوانا البعدا عايشين لحلم وليه همامخططين
يجيبوا عاليها واطيهاومن الفرات ل النيل يبقوا مسيطرين
بكره الدور يجي علينا ومش هنعرف نعيش في بيوتنا مستورين
ومش هفوء الا علي دماء ولادنا المدبوحين
يييا ياسيدي اد كده الدنيا اتغيرت واناكنت جوه في الخاتم
يارتني ماكنت طلعت ده خروجي منه ماكنش لازم
هحبس نفسي جواه ارحملي ده ربنا هووحده العالم
